انا اليا غنـًــت الورقا بصدري .. طــِــربت

االسلام عليكم ورحمة الله

اولا اشكر مشرف هذا القسم شكرآ جمآ
لسعة ورحابة الصدر علينا حيث اننا لانظهر الا من حين لآخر ومقصرين في هذا المنتدى عامةً
حتى لا أُطــيـل عليكم اليكم هذه المعزوفه

ا

أنا إلى غنّـت الورقـا بصـدري طِربـت = ورددت معهـا اغنيـة حزنـي وغنيتهـا

وان ضقت من صوتها المملي شجن واكتئبت = جمعت همّـي ورق صفصـاف واهديتهـا

ياذوق ياللي عن عيـون المولّـع هربـت = الله يجازيـك نـار الـشـوق شبيتـهـا

ياللي بكفّك على صدر المشاعـر ضربـت = اضلوعي اللـي بفـاس البعـد قصيتهـا

تعبت والله قليلـه حيـل كلمـة تعبـت = كم ونـةٍ مـن سبـب فرقـاك جريتهـا

الله يسامحـك ياكـل الغـلا ليـه غبـت = الغيبـه الـلـي بعـمـري ماتمنيتـهـا

وابعدت في ساعـةٍ فيهـا كثيـر اقتربـت = من روحي اللي بوقـتٍ فـات ضميتهـا

وتركتني في متاهـات الرجـا وانسحبـت = ترقبـك عيـنٍ علـى الميهـاف خليتهـ

يستوطن الحزن فيها من غـلاك وسكبـت = المزنـه اللـي علـى فرقـاك هليتـهـا

شوك الوجع نابتٍ في تربة الـروح نبـت = ماكنّـه الاّ صغـيـرة ســن ربيتـهـا

ياذنبي المستمـرّ ومَـا بَعَـد مَنْـه تِبْـت = يالضيقـه اللـي عـن الحسّـاد داريتهـا

ياللي ثِبَتْ خَنْجَرَكْ في بيدر الـروح ثبـت = يالعبره اللـي بجـوف الجـوف كنيتهـا

يالموطن اللي سِكَنْتِـه ثـم فيـه اغتربـت = يالفتنه اللـي مـن أهـل الأرض حبيتهـا

يالمترف اللي بليـا وجـه حـقٍ سلبـت = عـروق قلـبٍ علـى يمنـاك لفيتـهـا

أسقيتني نشوة الحـب العفيـف وشربـت = كاسات عشـقٍ ببيـر الـروح صبيتهـا

ياموجع القلب قلي ليـه بـس احتجبـت = عن عيني اللـي علـى قمـراك سرّيتهـا

العيب ماهو مـن الأيـام جمعـه وسبـت = العيـب بالصـده اللـي ظلـم صديتهـا

ياسيد الاحباب من تلويع الاشواق شبـت = ياكثـر بيـضٍ بشعـر الـراس عديتهـا

وان قلت لك ذبت من نار الغلا ماكذبـت = ناظر عيوني مـن البعـد انخـرب بيتهـا

ولولا عيونك وصدق الحب لك ماكتبـت = قصايـدٍ ذاع بيـن اهـل الغـلا صيتهـا

االشاعر عبدالله المجلاد

وكل عام وانتم بألف خير من مدير المنتدى الى المشرفين والاعضاء والزوار عامه عيدكم مباركــ

وعليكم السلام ورحمة الله وبركاته / دهش

مهما طال الزمنى وطال الغياب
فلحضوركم المتميز صدى في انفسنا
خصوصا مع هذه القصائد الرائعة
التي تتناغم وكانها لحن موسيقي
بقافيتها ووزن كلماتها
وتحيه خاصه للشاعر
عبد الله المجلاد
صاحب القلم المميز الذي خط لنا هذه الحروف
وتحية لك لانك نقلت لنا هذه التحفه الفنية
واهلا وسهلا بك متى ما حضرت
نورت القسم بتواجدك

لك مني كل تقدير
تقبل مروري

مي القيسي

اسف للتاخير جدآ آسـ ف

اختي مي النور بوجودك ومرورك صفحتي فأأأألـف أأألـف شكر
دمتي كما تحبين